افغانستان

میدان وردګ: د بهرنيو ځواکونو په بمبار کې نهه ملکيان وژل شوي

(کابل ټکی کام، ۱۳۹۸، وږی ۱۸، دوشنبه)

د میدان وردګو ولايت په سيدا اباد ولسوالۍ کې د بهرنيو ځواکونو په هوايي بريدونو کې نهه ملکي وګړي وژل شوي دي.

دغه بمباري تيره شپه د یادې ولسوالۍ د تنګي درې مربوط د جوی زرين بازار ته څيرمه د ملکي وګړو پر يوه موټر ترسره شوې ده.

ځايي اوسيدونکي وايي، په بمبارۍ کې د یوه پلار عبدالرحيم او د هغه درې زامن، نهه تنه نور ملکيان وژل شوي دي.

د سيمې خلکو د ملکي خلکو د وژنې په غبرګون کې لاريون کړی او د کابل- کندهار لويه لاره يې تړلې ده.

لاريون کوونکي د امريکا او ګډ حکومت پر ضد شعارونه ورکوي او د بمباريو د ودرولو او ملکي خلکو د وژنې لړۍ د بنديدو غوښتنه کوي.

دا لومړی ځل نه دی چې په هوايي بريد کې ملکي وګړي هدف ګرځي بلکې تر دې مخکې هم د ګډو ځواکونو په هوايي بريدونو، شپنيو عملياتو کې په قصدي ډول ملکي خلک او کورونه په نښه شوي او هغوی ته يې درانه مالي او ځاني زيانونه اړولي دي.

%d bloggers like this:
/* ]]> */