خبرپاڼې

د سپمټبر د یوولسمې تروریستي بریدونو داتلسمې کالیزې په اړه مطبوعاتي اعلامیه

د ارګ خبرپاڼه

ارګ، کابل: د ۲۰۰۱ کال د سپټمبر ۱۱ د بشریت په ځانګړي ډول د امریکا په تاریخ کې د عطف نقطه ګڼل کېږي چې القاعده ډله د لویو تروریستي بریدونو په ترسره کولو سره د هغه نړیوال بوګنوونکي جنایت مرتکب شوه چې نږدې ۳۰۰۰ امریکایي وګړي یې قرباني کړل، دغه راز یې زرګونه تنه ټپیان او د امریکا خلکو ته یې میلیاردونه ډالر مالي زیان ورواړولو.

د هیواد جمهوررئیس محمداشرف غني وویل: «افغان دولت د نړیوالې ټولنې د مسوولې کورنۍ د یوه غړي په توګه د سپټمبر د یوولسمې د اتلسمې کالیزې په مناسبت خپل د تسلیت او همدردۍ مراتب د دغې پېښې د قربانیانو کورنیو، د امریکا ملت او دولت ته وړاندې کوي».

د ۲۰۰۱ کال د سپټمبر د یوولسمې پېښه هغه مهال رامنځته شوه چې د طالبانو ډلې زموږ د هیواد ستره برخه اشغال کړې وه او افغانستان دالقاعده ډلې د مشر اسامه بن لادن په شمول د نړیوالو تروریستي شبکو د حضور لپاره په امن پټن ځای بدل شوی وو.

جمهوررئیس غني زیاته کړه: «که څه هم چې د افغانستان حکومت په تېرو اتلسو کلونو کې د امریکا متحده ایالاتو په مشرۍ د نړیوالې ټولنې په ملاتړ له تروریزم سره د مبارزې په لومړۍ کرښه کې قرار  لري او د سیمې او نړۍ د امنیت د دفاع په خاطر یې سترې قربانۍ ورکړي دي، اما تراوسه هم ګډ ګواښ موجود دی او دغه ډلې هڅه کوي چې زموږ هیواد په خپل امن پناه ځای بدل کړي».

سرچینه - د جمهوري ریاست دفتر - ارګ

%d bloggers like this:
/* ]]> */