د ارګ خبرپاڼه

جمهوررئیس غني د پاکستان لوی درستیز خپل حضور ته ومانه

د افغانستان د اسلامي جمهوریت جمهوررئیس محمداشرف غني نن ماسپښین د پاکستان لوی درستیز جنرال جاوید قمر باجوه او ورسره پلاوی خپل حضور ته ومانه.

په دغه کتنه کې چې په ارګ کې وشوه، جمهوررئیس غني د پاکستان لوی درستیز او ورسره پلاوي ته ښه راغلاست ووایه او دواړو غاړو پر علاقې وړ موضوعاتو بحث او خبرې وکړې.

په دغه کتنه کې “د سولې او پيوستون لپاره د افغانستان ـ پاکستان د عمل پلان” د تطبیق او اجرايي کېدو، تروریزم سره پر مبارزې، د افغانانو په مالکیت او مشرۍ د سولې په مذاکراتو او د خشونت په کموالي مفصل بحث وشو.

د پاکستان لوی درستیز جنرال جاوید قمر باجوه کابل ته په خپل سفر خوښي وښوده او د هېواد له جمهوررئیس څخه یې مننه وکړه چې د دغه ملاقات زمینه یې برابره کړه.

سرچینه - د جمهوري ریاست دفتر - ارګ

x

Check Also

جمهوررئیس غني د ویډیو کنفرانس له لارې د اوربند د مدیریت په اړه د هېواد د ۳۴ ولایتونو امنیتي او سیمه ییزو مسئولینو سره خبرې وکړې

د افغانستان د اسلامي جمهوریت جمهوررئیس محمداشرف غني له والیانو، د امنیتي او دفاعي ارګانونو د ...