طالبان: امریکايي قومندان د ټرمپ د ستراتېژۍ ناکامي پټوي

(نن ټکی اسیا):

نن ټکی اسیا (پنجشنبه، ۷چنګاښ، ۱۳۹۷ل): طالبانو په افغانستان کې د امريکايي ځواکونو د هوايي قواو د قومندان څرګندونې د ټرمپ د ستراتېژۍ د ناکامۍ د پټولو هڅه بللې.

دغه امریکايي قومندان جنرال لیسن بنچ په پنټاګون کې خبري غونډې ته ویلي، تازه يې ۱۵۴ هوايي بریدونه کړي، د طالبانو مالي سرچينې يې له منځه وړې او همدارنګه يې پرلټونه پر طالبانو اغېز لرونکي یاد کړل.

طالب ویاند قاري یوسف احمدي په خپاره کړي بیان کې ويلي، دوی هوايي بریدونو کې ولسي ځایونه، بازارونه، مسجدونه او مدارس په نښه کړي دي.

امریکايي قومندان پرلټونه د ټرمپ د ستراتېژۍ د «بریا» د نمونې په توګه یاد کړي، خو ښاغلي احمد لیکلي: «د اشغالګرو جنرالانو لخوا داسې ادعاوې د دې لپاره دي چې د ټرمپ ناکامه ستراتيژۍ له رسوايي څخه عامه امریکايي افکار په بله واړوي.»

قاري یوسف احمدي په خپاره کړي بیان کې د دوی د مالي سرچینو له منځه وړل هم پوچه دعوه بللې او و لیکلي يې دي: «مجاهدین تجارتي مراکز او منابع هم نه لري چې دښمن يې په نښه کړي.»

وړمه ورځ د نورستان په وانټ وایګل کې هم د امریکايي ځواکونو په هوايي بمبار کې د شلو شاوخوا ملکي وګړو د مرګ ژوبلې خبر ورکړل شو، چې ځايي ادارې د شپږو تنو ولسي وګړو د وژنې پخلی وکړ.

دا متن د نن ټکی اسیا څخه کاپي شوی. اصل مطلب دلته موندلای شئ: طالبان: امریکايي قومندان د ټرمپ د ستراتېژۍ ناکامي پټوي

x

Check Also

ولسي جرګې په ټاکنو کې د بایومټریک کارولو هرکلی وکړ

(عزم ویب پاڼه):   عزم(شنبه، ۳۱ وږی ۱۳۹۷) د ولسي جرګې غړیو ...