ټرمپ او پوتین به راتلونکې میاشت لومړۍ سرمشریزه غونډه وکړي

(کابل ټکی کام):

ټاکل شوې چې د امریکا ولسمشر ډونلډ ټرمپ او د روسیې ولسمشر ویلادیمیر پوتین د راتلونکې جولای میاشتې په ۱۶مه د فنلېنډ په پلازمېنه هلسینکي کې لومړی رسمي لیدنه وکړي.

دا لومړی ځل دی چې ډونلډ ټرمپ او ویلادیمیر پوتین په رسمي غونډه کې سره ویني.

د ۲۰۱۷ز کال په جنوري میاشت کې د ولسمشر په توګه تر ټاکل کېدو وروسته، ټرمپ او پوتین یو بل دوه ځله د دوو نړیوالو غونډو په څنډو کې سره لیدلي دي.

ویل کېږي ټرمپ به له پوتین سره د دواړو هېوادونو د خپلمنځي اړیکو په ګډون د یوکراین او سوریې د وضعیت په اړه خبرې وکړي.

واشنګټن له ۲۰۱۴ز کال راهیسې د یوکراین د کړکېچ له امله پر مسکو ځینې اقتصادي بندیزونه لګولي.

x

Check Also

ولسي جرګې په ټاکنو کې د بایومټریک کارولو هرکلی وکړ

(عزم ویب پاڼه):   عزم(شنبه، ۳۱ وږی ۱۳۹۷) د ولسي جرګې غړیو ...