د پکتیکا مشهور قوماندان په کابل کې ووژل شو

(کابل ټکی کام):

(کابل ټکی کام ۱۳۹۷ چنګاښ ۷)

د پکتیکا ولایت پخوانی مشهور قوماندان عزیزالله کاروان په پلازمینه کابل کې وژل شوی.
سرچینې وایي، نوموړی نن ماښام د کابل په مکروریانو سیمه کې په نښه او وژل شوی دی .
طالبانو د برید مسؤلیت منلی او په یوه خبرپاڼه کې یې ویلي“د صفریک قطعې قومندان او مشهور امریکايي جاسوس عزیزالله کاروان نن ماښام ۸ بجې د کابل د مکروریانو په سیمه کې ووژل شو“
د کورنیو چارو وزارت د قوماندان عزیزالله د وژل کیدو تائید کړی دی
نوموړی په پکتیکا کې د امریکایي ځواکونو نږدې همکار پاتې شوی او د اورګون د کمپاین او یو شمیر نورو کمپاینونو د قوماندان ، د سیمیزو پولیسو د مشر او د ځانګړو ځواکونو د قوماندان په توګه دندې ترسره کړې .

پر عزیزالله کاروان څو ځله د طالبانو له خوا حملې شوې چې نوموړی په څو حملو کې سخت ټپي شوی هم دی.

باید وویل شي، چې طالبانو له وړاندې ویلي چې دوی به د سږکال په عملیاتو کې د مقابل لوري مهمې هستې په نښه کړي او پر امریکایي ځواکونو، د هغوی پر نږدې افغان قوماندانانو او استخباراتي اداراتو یې د لویو او مرموزو بریدونو ګواښ کړی.

x

Check Also

ننګرهار: امریکایانو یوځل بیا “نهه“ تنه د کلي خلک وژلي

(کابل ټکی کام):   (کابل ټکی کام ۱۳۹۷ وږی ۳۰) امریکایي ځواکونو ...