پاکستاني چارواکي: سعودي ته مو په اقتصادي دهلیز کې د شاملېدو بلنه ورکړې

د پاکستان د اطلاعاتو وزیر فواد چوهدري وایي، سعودي عربستان ته یې د پاکستان او چین په اقتصادي دهلیز کې د شاملیدو بلنه ورکړې ده. چوهدري وویل چې په دی اړه د دواړو هېوادونو د مشرانو خبرې شوې دي او د اکتوبر د میاشتې په لمړنۍ اونۍ کې به د سعودي د لوړپوړو چارواکو یو پلاوی پاکستان ته سفر وکړي. د یادونې وړ ده چې د چین او پاکستان تر منځ د اقتصادي دهلیز پروژه (CPEC) د چین یوې لویې اقتصادي پروژې “د یو کمربند- یوه لار” برخه ده. دغه پروژه د چین د ولسمشر شي جین پنگ پروژه ده چې چین به د مرکزي، جنوبي اسیا او اورپا سره ونښلوي. دا پروژه د وریښمو تاریخي لار ته عصري بڼه ورکوي. د پاکستان صدراعظم عمران خان سعودي عربستان ته د سفر په مهال سعودي پاچا ته پخپله په دغې پروژې کې د شاملیدو بلنه ورکړې ده.

سرچینه: مسیر ورځپاڼه

x

Check Also

پاکستان هغه ځیرک موبایلونه بندوي چې له دوی سره راجسټر نه وې

(ټرایبل نیوز): د پاکستان حکومت اعلان کړی چې د هېواد په ټولو ...