خبرونه

کندهار: د موټر چپه کېدو له امله ۴۲ تنو ته مرګ ژوبله اوښتې

نن ټکی اسيا (دوشنبه، ۲۲ لړم، ۱۳۹۶): د کندهار ولایتي چارواکي وايي، نن سهار د کندهار ـ هرات پر لویه لاره د ۳۰۳ ډوله موټر د چپه کېدو له امله پنځه تنه مړه شوي او ۳۷ نور ټپیان شوي دي.

د کندهار د والي ویاند قدرت الله خوشبخت وايي، پېښه نن سهار شپږ بجې د پنجوايي ولسوالۍ اړوند د شاه اغا دورايي په څلور لارې کې شوې ده.

خوشبخت د موټر چپه کېدو لامل د موټر چلوونکي بې احتیاطي ښوولې ده.

د میرویس روغتون ډاکټران وايي، د پېښې له ځایه ۳۷ ټپیان وروړل شوي، چې ۲۲ یې سرسري ټپیان وو او ۱۵ نور تر درملنې لاندې دي.
دوی د ټپیانو روغتیايي حالت د ډاډ وړ وباله.

د هېواد په ټولو لویو لارو د ترافیکي پېښو له امله هر کال لسګونه افغانانو ته مرګ ژوبله اوړي.

د لویو لارو مسافر د ترافیکي پېښو لامل د سړکونو خرابوالی، د موټر چلوونکو تېز تګ او په نشه‌يي توکو روږدي کېدل ښيي.


سرچینه: نن ټکی اسیا

Tags

Add Comment

Click here to post a comment

This site uses Akismet to reduce spam. Learn how your comment data is processed.

%d bloggers like this:
/* ]]> */