خبرونه

پر کونړ د پاکستانیو توغندیو شمېر ۳۴۰ ته ورسېد

نن ټکی اسيا (سه شنبه، ۲۳ لړم ۱۳۹۶): د کونړ چارواکي وايي، چې له تېرې ورځې راهیسې د کونړ پر څلورو ولسوالیو د ډیورنډ فرضي کرښې اخوا پاکستاني پوځیان توغندي توغوي، چې خلکو ته یې مالي او ځاني زیانونه اړولي دي.

د کونړ امنیه قومندان جمعه‌ګل همت په خبره، پاکستاني پوځیان د کونړ پر څلورو ولسوالیو دانګام، شلطن، خاص کونړ او مرورې ولسوالیو ۳۴۰ توغندي توغولي، چې له امله یې ځینې کورنۍ بې‌ځایه شوې هم دي.

دی وايي، یوازې د شلطن ولسوالۍ څخه ۴۰ کورنۍ بې‌ځایه شوي او نورو سیمو ته تللي دي.

تېره ورځ هم د کونړ امنیتي چارواکي ویلي وو، چې د پاکستاني پوځیانو له لوري ۱۸۴ توغندي توغول شوي دي.

د کونړ امنیتي چارواکي تراوسه یوازې د یو تن ټپي کېدو خبره کوي؛ خو د بي بي سي خبریال عبدالله نظامي پر خپله فېسبوک پاڼه لیکلي، چې د پاکستان د توغندیو د لګیدلو له امله یې اوښی مړ شوی دی.

د ننګرهار امنیتي چارواکو هم ویلي، چې پاکستان د اچین پر عبدالخېلو سیمه لسګونه توغندي توغولي؛ خو د اوښتو زیانونو په اړه یې څه نه دي ویلي.


سرچینه: نن ټکی اسیا

Tags

Add Comment

Click here to post a comment

This site uses Akismet to reduce spam. Learn how your comment data is processed.

%d bloggers like this:
/* ]]> */