خبرونه

کورنیو چارو وزارت: له جنرال رازق سره قانوني چلن کوو

د افغانستان د کورنیو چارو وزارت اعلان کړی، چې د کندهار امنیه قومندان جنرال رازق سره به د هغه د وروستیو څرګندونو له کبله قانوني چلن کوي.

د کندهار امنیه قومندان جنرال رازق وړمه ورځ د یوې خبري ناستې پرمهال ویلي ؤ، چې نه خو اشرف غني ګومارلی او نه یې هم هغه لرې کولای شي.

جنرال رازق د ملي یووالي حکومت پر جوړښت د نیوکې په ترڅ کې ویلي ؤ، چې په خپله د ملي یووالي حکومت هم د خلکو له خوښې پرته په غیر قانوني توګه رامنځ ته شوی، ځکه خو د کوم چارواکي د ګوښه کولو صلاحیت نه لري.

د کورنیو چارو وزارت مرستیال ویاند نصرت رحیمي نن په کابل کې خبریالانو ته ویلي، د اساسي قانون ترمخه هیڅ امنیتي چارواکی حق نه لري، چې په یوه سیاسي جریان پورې ځان وتړي او یاهم د مرکزي حکومت پرضد ویناوې وکوي.

دا په داسې حال کې ده، چې تر جنرال رازق وړاندې د بلخ والي عطاء محمد نور هم د ولسمشرۍ پرضد بغاوت اعلان کړی او ګواښ یې کړی، چې د خپل ځان دفاع لپاره به هرقسم وسایلو ته لاس واچوي.


سرچینه: محصلین ویب پاڼه

Tags

1 Comment

Click here to post a comment

This site uses Akismet to reduce spam. Learn how your comment data is processed.

  • د کورنی چارو تش په نامه وزارت او هغوی چه د دی وزارت د پاسه او په مجموع کی ټوله غلامه ، ناوړه او فاسده اداره یوی بلی ملی یا بین المللی اداری ته اړه لری ، چه لمړی د افغانستان د اشغال له امله د کابل اداری ته حکومت ووایی که د اشغالګرو د کړنو یوه غلامه اداره ؟ بیا د ارګ د دوه سری حکومت مشروعیت [ چه د درغلنو دموکراتیکو ټاکنو رایوی خکندازو کی پریوتلی او د امریکا سفارت کی د امریکا د خارجه وزیر له خوا د یوه په ځای دوه جمهور ریسان یعنی دوه ارګه جوړ شول ]، له هغه وروسته څه کم څلورو کلو کی وزارتونه وزیران نه لری او نه وزارتونه ټاکل شوی بودیجه په ډاګه کولای شی چه لګولی یی ده ( اصلا بودیچه شخصی جیبو کی لویدلی ) له هغه وروسته د والیانو ، وکیلانو ، قاضیانو او جنرالانو او نورو د غلاوو ، فساد ، اختلاس او قاچاق او رشوت دوسیی وڅیړل شی او له هغه وروسته د عطا ڼور، دوستم او رازق په شان وحشیانو دوسیو ته نوبت رسیږی. اوس وخت خو لکه یوه فاحشه چه په بله فاحشه خپل لونډان ورتپی