خواجه اصف: امريکا دې له پاکستان سره پر اړيکو تمرکز وکړي

امريکا او پاکستان ته په کار ده، چې پر خپلو اړيکو تمرکز وکړي. د پاکستان د بهرنيو چارو وزير خواجه محمد آصف په يوه نړيوال اقتصادي کنفرانس کې د خبرو پر مهال ويلي، چې امريکا دې له پاکستان سره اړيکو ته د افغانستان له اړخه نه ګوري، بلکې واشنګټن او اسلام اباد ته په کار ده، چې پر خپلو اړيکو تمرکز وکړي. دده په وينا امريکا دې له پاکستان سره په خپلو اړيکو کې د افغانستان مسئله نه مطرح کوي، ځکه پاکستان او امريکا په سيمه کې ګډې ګټې لري.
خواجه آصف ويلي، هغه څه چې له يوه کال راهيسې د امريکا او پاکستان په اړيکو کې روان دي ښه زېري نه لري او پاکستان له دې درکه اندېښمن دي.
خواجه اصف يو ځل بيا ټينګار کړی، چې هېواد يې له ترهګرۍ سره په مبارزه کې رښتينی دی.
امريکا په دې وروستيو کې د پاکستان په اړه سخت دريځ خپل کړی دی. همدا روانه اونۍ سپينې ماڼۍ له پاکستان وغوښتل چې د ترهګرو ملاتړ پرېږدي. د ټرمپ وياندې وويل، پاکستان دې يا طالب مشران ونيسي او يا يې دې له خپلې خاورې وباسي.

The post خواجه اصف: امريکا دې له پاکستان سره پر اړيکو تمرکز وکړي appeared first on pashto.

x

Check Also

ننګرهار كې د هيرويينو دوه فابريكې له منځه وړل شوي

(کلید راډیو): د ننګرهار پوليس وايي، د کورنيو چارو وزارت اړوند د ...