کلتور او ادب

آذان او باران/ مفتون

اکرم الدین مفتون

کوچيانی ژوند خړې کېږدۍ په بیابان او باران
ډېر مې خوښيږي پسرلی، ګډې، اوښان او باران

په یوه زړونه ابادیږي په بل دښتې غرونه
خدایه یو ځای راوله کلي ته جانان او باران

دا د کوم ستړي مجاهد په مخ خولې رادرومي؟
که نا ؟ په خپلو کې مستي کوي ګلان او باران

دوه غبرګ سپېڅلي رحمتونه دي په تا وريږي
افـغـانستـانـه مـبـارک شه! طالبان او باران

د وطن دا مست ماځیګر به له چا څنګه هیر شي؟
شور د آسونو او د جـنـګ سـتـړي غازیان باران

زړه کــې لــرم د هجرت هاغـه نـازولی انځور
پیـاده مزل، لوږه او تنده ماشـومان او باران

د مدرسې جنتي ژونده ارمانجن دې یمه
مسافري او وظیفې او خلاص ګرېوان او باران

هاغه خیرن پیرن لمدې جامې او وېره له مور
ډېر مې یاديږي ماشومتوبه ستا دوران او باران

مفتون ړنګ جومات چې وګورم رایاد شي راته
زمـونـږ د کلـي د شهـیـد ملا اذان او باران

دا متن د نن ټکی اسیا څخه کاپي شوی. اصل مطلب دلته موندلای شئ: آذان او باران/ مفتون

سرچینه: نن ټکی اسیا

%d bloggers like this: