عجیبې غریبې

په سپوږمۍ کې نبات وده کوي

تاند- د چین د فضايي تحقیقاتو اداره وايي، هغه تخمونه زرغونه شوي دي چې د دغه هیواد ستوربېړۍ د جنورۍ په درېمه نېټه د سپوږمۍ پټې خوا ته وړي وو.

دا لومړی ځل دی چې په سپوږمۍ کې بوټي تجربه کېږي او هغه هم نتیجه ورکوي.

د چین ستوربېړۍ چانګ ۴ لومړنۍ ستوربېړۍ ده چې د سپوږمۍ هغې خوا ته استول شوې چې زموږ له مځکې پناه ده یا موږ ته نه ښکاري.

تر دې وړاندې په نړیوال فضايي تمځي کې بوټي ازمویل شوي وو او هلته یې وده کړې وه خو دا لومړی ځل دی چې په سپوږمۍ کې بوټي وده کوي.

په سپوږمۍ کې د بوټو وده له څېړونکو سره مرسته کوي چې په دې برخه کې نورې څېړنې وکړي او په مریخ کې د نباتاتو ودې ته خوشبینه شي.

د بوټو وده مرسته کوي چې ستورمزلي په مریخ، سپوږمۍ او یا فضا کې ځان ته په خپله خواړه تولید کړي.

چینايي ستوربېړۍ له ځان سره د مځکې له خاورو سره د پنبې، الوګانو یا کچالو او څو نورو نباتاتو زړي وړي دي.

298 total views, 35 views today

سرچینه: تاند

%d bloggers like this: