ټیکنالوژي

پر ټويټر دروغ، غلط او کرکجن خبر خپروونکو لپاره بد زیری

نن ټکی اسیا (یکشنبه، ۷ سلواغه، ۱۳۹۷ل): د ټولنیزو رسنیو مشهورې ویبپاڼې ټويټر اعلان کړی چې د منفي، دروغو اوازو او کرکجنو معلوماتو خپرولو د مخنیوي لپاره جدي اقدامات ترسره کوي.

د نورو ټولنیزو رسنیو ویبپاڼو په پرتله ټویټر د دروغو، منفي او کرکجنو خبرونو خپرولو کې ځکه وړاندې دی چې پر دې د ټرینډ آپشن تر ټولو زیات کاریږي، ددغه آپشن کارولو سره خبر په چټکۍ خپریږي.

د ټويټر ادارې اعلان کړی چې د دروغو، منفي او کرکجنو خبرونو خپرولو مخنیوي لپاره یې د اصلي ټویټر «original twitter» په نوم نوې ځانګړتیا پېل کړې ده، چې د انډرایډ «Android» او آی او ایس «IOS» ځانګړي کاروونکي ورته لاس رسی لرلی شي.

ددې نوې ځانګړتیا اصلي هدف به د کوم خپور شوي ټویټ، ټرینډ او معلوماتو لومړۍ او اصلي سرچینه معلومول وي، مګر په هغه اکاونټونو چې د ټویټر لخوا تصدیق شوي اصلي سرچینه نوره هم په اسانه معلومولی شي.

https://platform.twitter.com/widgets.js

دا ډول به په دې ځانګړتیا ددې خبرې معلومولو اندازه کیږي چې یو خپور شوی ټویټ چې له کوم حساب/اکاونټ څخه ټرینډ شوی هغه اصلي دی که جعلي، د اصلي ټویټر له لارې به د ټویټ ټرینډ کېدلو لومړۍ سرچینه مخ ته راشي.

د واټساپ ادارې له وینا سره سم هغه اکاونټونه چې له نورو څخه ټویټونه غلا کوي او په خپلو اکاونټونو یې د اصلي سرچینې په ډول په غلط انداز خپروي، ددغه ځانګړتیا له لارې به یې په اړه هم معلومات ترلاسه کیږي.

https://platform.twitter.com/widgets.js

تر دې دمه ددغې نوې ځانګړتیا ازموینه په ټولو کاروونکو نه ده پېل شوې خو په ځینو ځانګړو هېوادونو کې پرې کار پېل دی، ویل کیږي چې د څو اوونیو ازموینې وروسته به په نورو هېوادونو کې هم عام شي.

دا متن د نن ټکی اسیا څخه کاپي شوی. اصل مطلب دلته موندلای شئ: پر ټويټر دروغ، غلط او کرکجن خبر خپروونکو لپاره بد زیری

سرچینه: نن ټکی اسیا

%d bloggers like this:
/* ]]> */