افغانستان

د فراه د فوايدعامې رياست سرپرست ترور شو

د فراه ولايتي چارواکي وايي، د دغه ولايت د فوايدعامې رياست سرپرست د نامعلومو وسله والو له لوري نن سهار ترور شوی دی.

د فراه د پوليسو وياند محب الله محب کليد ته وویل، دغه پېښه نن سهار د فراه ښار په لومړۍ ناحيه کې د ابو نصر فراهي ښوونځي ته څېرمه رامنځته شوې.

محب زياته کړه، تر دې مهاله د دې پېښې سبب نه دی روښانه شوی او عاملان يې هم له سيمې په تېښته بريالي شوي دي.

دا په داسې حال کې ده چې په وروستيو کې د دغه ولايت د ولايتي شورا غړو او يو شمېر اوسېدونکو په دې ولايت کې د دولتي ملکي او پوځي کارکوونکو د ترور د زياتېدو په تړاو اندېښنه څرګنده کړې وه.

Tags
%d bloggers like this: