ارزګان: د ملي اردو توپچي برید کې ۲ ماشومان وژل شوي

(سرچینه: محصلین):

د ارزګان ولایت مرکز ترينکوټ ښارکې پر یوه کور د ملي اردو د هاوان لګېدو له امله ۲ ماشومان وژل شوي دي.

دا پېښه تیره ورځ د ترینکوټ اړوند په ابردي سیمه کې هغه مهال رامنځ ته شوه، کله چې د ملي  اردو ځواکونو لخوا توغول شوې د هاوان مرمۍ د ولسي خلکو پر یوه کور ولګېده.

د یادې سیمې ملک امین الله ویلي، چې په دغه پېښه کې د ۲ ماشومانو د وژل کېدو ترڅنګ د هغوی پلار او یو بل ماشوم ټپیان شوي هم دي.

نوموړی زیاتوي، پرون کرۍ ورځ ابردي سیمه باندې د ملي اردو ځواکونو لخوا د پوځي علمیاتو په پلمه د توپونو او هاوان ډزې روانې وې.

د ارزګان ولایتي اداره هم دغه پېښه تاییدوي او په اړه یې د تحقیقاتو پيلولو خبر ورکوي.

دا په داسې حال کې ده، چې له تیرو دوه کلونو راهیسې د ارزګان ولایت په مرکز او شاوخوا سیمو کې د پوځي عملیاتو پرمهال ګڼو ملکیانو ته مرګ ژوبله اووښتې؛ خو تر اوسه په دې هکله رڼې پلټنې نه دي ترسره شوي.

تبصره وکړه

ستاسو ایمیل ادرس به هیڅ کله نشر نه شي.په نښه شوي خانې ډکول ضروري دی ـ *

*

This site uses Akismet to reduce spam. Learn how your comment data is processed.

x

Check Also

پکتیکا: د پولیسو د خاصې قطعې قومندان ترور شوی دی

(عزم ویب پاڼه): عزم: ۱۳۹۷/۳/۳۰- پکتیکا ولایت څخه ترلاسه شوي خبرونه وایي ...