یو شمېر افغان سرتیري د ناسمې وینې د ترزیق له امله مړه شوي

(سرچینه: محصلین):

د افغانستان د بیارغونې لپاره د امریکا سرمفتش دفتر (سیګار) وایي چې یو شمیر افغان سرتیري له دې وجې مړه شوي دي چې د وینې ناسم ګروپ ورته ترزیق شوی دی.

سیګار په خپل یو تازه راپور کې چې پرون د پنجشنبې په ورځ خپور شوی ویلي دي چې د افغان ملي پوځ د یو شمیر سرتیرو د وینې ګروپ یا اصلاً تر اوسه نه دی ټاکل شوی او یا هم د سرتیرو د وینې د ګروپ ټاکل سم نه دي تر سره شوي.

د سیګار د راپور پر اساس دغه کار ددې سبب شوی تر څو هغه سرتیري چې په جګړه کې ټپي کیږي او وینې ته اړتیا ولري د وینې د ناسم ګروپ د ترزیق له کبله مړه کیږي.

سیګار ویلي دي چې ددغو افغان سرتیرو دققه شمیره نده څرګنده چې له دې وجې مړه شوي دي.

د افغانستان د دفاع وزارت تر اوسه د سیګار ددغه راپور په هکله څه نه دي ویلي.

تبصره وکړه

ستاسو ایمیل ادرس به هیڅ کله نشر نه شي.په نښه شوي خانې ډکول ضروري دی ـ *

*

This site uses Akismet to reduce spam. Learn how your comment data is processed.

x

Check Also

طالبانو د درې ورځني اوربند د ختمېدو اعلان وکړ.

(طالب نیوز): طالبانو د یوې اعلامیې په صادرولو سره ویلي چې درې ...