ټولنیزي لیکنې

هیله من کسان هرڅه په خپله ګټه تماموي

هغه څېړنه چې په ۲۰۱۳ ز کال کې په ۵۰۰ کوچنیو مخ پر ودې شرکتونو باندې شوې ده او پایلې یې په (درامد) مجله کې خپرې شوې، داسې ویل شوي چې د دغو شرکتونو مدیران په بې ساري ډول راتلونکي ته هیله من ښکارېدل. د دوی دغه هیله مندي د دې لامل شوې وه، چې کارونه یې نور هم ښه پر مخ ولاړ شي او نوې انګېزې پیدا کړي. دوی د ځینو پوښتنو په ځواب کې ویلي وو چې موږ خپل راتلونکي ته هیله من یو، کارونه مو سم پر مخ روان دي او ډاډه یو چې خپلو موخه ته به رسېږو.

 هره ګړۍ د هغه څه په اړه چې غواړی تر لاسه یې کړی، فکر او خبرې وکړئ. هیله منو کسان ته نړۍ له فرصتونو ډکه ښکاري او تل په دې اړه فکر کوي چې څنګه وکولی شي خپلو هیلو ته ځان ورسوي.

هڅه وکړئ چې هر وخت په ښو پسې وګرځی. هیله من کسان د هرې ستونزې په منځ کې حللاره هم ویني. دوی وایي، که مشخصه موخه ولری، کولی شی د رسېدو لپاره ورته لاره هم پیدا کړی. د هیله منو کسانو بله ښه ځانګړنه دا ده چې که هغوی پر ناسمه لار روان هم وي، هڅه کوي چې خپلې ګټې پکې خوندي کړي.

حمیدالله حمیدي

557 total views, 6 views today

سرچینه: تاند

%d bloggers like this: