افغانستان

ولسمشرۍ ماڼۍ: د بین الافغاني مذاکراتو غونډه به داځل د ازبکستان په کوربتوب ترسره شي

د افغانستان ولسمشرۍ ماڼۍ ارګ وايي، ټاکل شوې چې  دا ځل ازبکستان  د بین الافغاني مذاکراتو کوربتوت وکړي او زیاته کړې یې ده چې یادې خبرې به په سمرقند کې وشي.

ولسمشرۍ مانۍ د سولې د دغو خبرو په اړه چې په ثمر قند کې یې د کیدو خبر ورکړي، نور وضاحت نه دی وکړی چې کله به ترسره شي او څوک به یې ګډونوال وي.

تر دمخکې د قطر په پایتخت دوحه کې افغانانو ترمنځ خپلمنځي خبرو ته تابیا نیوله شوې وه چې ټاکل شوې وه د اپریل میاشتې له ۱۹- ۲۱ نیټې پورې ترسره شي خو دغه غونډه ونشوه.

طالبانو بیا رسنیو ته په لیږلې خبر پاڼه کې ویلي وو چې د قطر غونډې د لغوه کیدو عامل حکومت دی .

د راپورونو له مخې طالبانو ویلي تر څو چې د قطر ناستې د نه ترسره کیدو علت څرګند نشي استازي به یې په هیڅ ناسته کې ګډون ونکړي.

%d bloggers like this: