افغانستان

په ننګرهار کې لسګونه ميله وسلې ډاياګ ته وسپارل شوې

(سرچینه: کلید راډیو):

په ننګرهار كې نن ۶۴ ميله درنې او سپکې وسلې د ډاياګ يا بې وسلې كولو پروګرام ته وسپارل شوې.

په دې ولايت كې د څلورمې پلې لېوا قوماندان محمد نسيم سنګين کليد ته وويل، دا وسلې د دغې لېوا سرتېرو په تېرو شپږو مياشتو کې د ننګرهار په بېلابېلو ولسواليو کې د دولت له وسله والو مخالفينو سره د جګړې په مهال ترلاسه کړې دي.

د سنګين په خبره، هغه نقليه وسايط، چې د څلورمې پلې لېوا سرتېرو د دولت له وسله والو مخالفينو ترلاسه کړي، د هغو د تسليمۍ پروسه هم روانه ده او ژر به د ملي اردو د استخباراتو له لوري تسليم كړاى شي.

نوموړى زياتوي، تر دې وړاندې يې هم زيات شمېر درنې او سپکې وسلې د ډاياګ پروګرام ته سپارلې دي.

 

The post په ننګرهار کې لسګونه ميله وسلې ډاياګ ته وسپارل شوې appeared first on pashto.

Add Comment

Click here to post a comment

This site uses Akismet to reduce spam. Learn how your comment data is processed.