پاكستان له افغان حكومته ځينې نامعقولې غوښتنې لري

(سرچینه: کلید راډیو):

د ولسي جرګې يو شمېر غړي وايي، د پاكستان لومړي وزير شاهد خاقان عباسي افغانستان ته د خپل وروستي سفر په مهال له افغان حكومته ځينې داسې نامعقولې غوښتنې درلودې، چې هغه د افغانستان په كورنيو چارو كې لاسوهنه ده.

د ولسي جرګې غړي مخدوم ابدال الله محمدي نن د دې جرګې په عمومي غونډه كې وويل، عباسي د افغانستان په كورنيو چارو كې لاسوهنه كوي او په وينا يې، افغان حكومت بايد د پاكستان په خبرو نور ونه غولېږي.

خو د جمهور رئيس د وياند د دفتر سرپرست شاه حسين مرتضوي بيا وايي، د ولسي جرګې غړي د پاكستان د لومړي وزير د سفر او له افغان چارواكو سره د هغه د خبرو په اړه كره معلومات نه لري.

دى د دغې جرګې له غړو غواړي، چې د خپلو معلوماتو له پوره كولو وروسته دې څرګندونې وكړي.

The post پاكستان له افغان حكومته ځينې نامعقولې غوښتنې لري appeared first on pashto.

تبصره وکړه

ستاسو ایمیل ادرس به هیڅ کله نشر نه شي.په نښه شوي خانې ډکول ضروري دی ـ *

*

This site uses Akismet to reduce spam. Learn how your comment data is processed.

x

Check Also

کندز: ګډو ځواکونو لسګونه هیوادوال وژلي دي

(عزم ویب پاڼه): عزم: ۱۳۹۷/۴/۲۸- د ملکیانو بمبارولو په لړ کې دا ...