نړۍ

هند د کشمیر لانجمنې سېمې ته نور ځواکونه استولي

هند خپل کشمیر ته نور سرتېري واستول او زرګونو سېلانیانو ته یې امر وکړ چې له دې سیمې ووځي.
په همدې حال کې پاکستان د امریکا له ولسمشر ډونالد ټرمپ څخه وغوښتل چې د کشمیر پر سر د اوږدې لانجې د حل کولو لپاره منځګړتوب وکړي.
د پاکستان پولیسو پرون وویل چې هندي ځواکونو د دوو کشمیرونو ترمنځ د کنټرول کرښې له هغې غاړې ګولۍ ویشتي چې له کبله یې د پاکستاني کشمیر د سرحدي کلیو په خلکو کې وېره او ترهه خپره شوې ده.
په همدې حال کې د پاکستان د ملي امنیت کمېټې پرون یکشنبه د صدراعظم عمران خان په مشرۍ په غونډه کې وویل چې هند په داسې حال کې په کشمیر کې د بې ثباتۍ د رامنځته کولو هڅه کوي چې پاکستان او نړیواله ټولنه د افغانستان د کړکېچ د حل کولو هلې ځلې کوي.

%d bloggers like this:
/* ]]> */